KONTZERTUAK

 
No Eventos
 

BERRIAK

 

Adrenalinaren Zain

2015. urteko abenduaren bukaeran sartu ginen estudioan eta 11 egun beranduago atera, bertan esperientzia oso aberasgarri bat bizi genuen eta asko ikasteko aukera izan genuen. 2016. urteko otsailaren 18 an diska kalera atera genuen eta egun horretatik aurrera aparato elektronikoetan zein gure zuzenekoetan abesti berriak antzuteko aukera duzue. Diska bera, autoekoizpen bat da, hau da, […]

 

MEDIA

 

 

BIOGRAFIA

 

Garilak 26 erromeria talde bizkaitarra 2011. urtearen amaieran sortu zen. Zuzeneko emanaldietan erakusten duen intentsitatea, bizitasuna eta energia dira taldearen bereizgarririk nabarmenenak. Aipatzekoa da, halaber, gaur egungo abestien moldaketetan darabilen zenbait euskal instrumentu tradizionalen presentzia.

Hasieran, kide hauek osatzen zuten taldea: Eneko Benito (alboka/albokote), Ander Trabudua (trikitixa), Iker Álvarez (kitarra), Unai Zabala (baxua), Ieltxu Gimenez (bateria) eta Maria Lazkano (ahotsa). Geroago, Anderrek eta Unaik taldea utzi ostean, Joanes Garmendia (baxua) eta Josu Elorduy (trikitixa) sartu ziren. 2017 urtean hasieran, Josuk taldea utzi behar izan zuen eta, haren ordez, Maddi Elortza (trikitixa) sartu zen. 2019ko udan, Maria Redondo abeslari berria sartu zen taldera Maria Lazkanoren ordez.

Garilak 26 taldekoek euren lekua egin dute Euskal Herriko plaza eta txoko ugari alaitzen –200 kontzertutik gora eman dute–. Etxetik kanpoko hainbat eszenatoki ere zapaldu dituzte, Irlandan, Alemanian eta Frantzian.

Erromeria taldea izanagatik, kantu-sortzaileak ere badirela erakutsi dute musikari hauek. 2014an, bi abesti sortu zituzten: Kanpomartxo (Erandion urtero antolatzen den euskararen aldeko jairako abestia) eta Mende Laurden (Eguzkizaleak konpartsaren 25. urteurrena aitzakia hartuta sortutakoa). 2016. urtean, beste pauso bat eman zuen taldeak eta kantu propioz osatutako lehenengo diskoa grabatu: “Adrenalinaren Zain”.

 

KONTAKTUA

 

Jar zaitez gurekin kontaktuan
info@garilak26.eu